ராசி வாரியாக நட்சத்திர பலன்கள்
மேஷம்
(அஸ்வினி-1, 2, 3, 4 பாதங்கள்–பரணி-1, 2, 3, 4 பாதங்கள்–கார்த்திகை-1, பாதம்)
அஸ்வினி — இந்த வாரம் வீட்டில் பெண்களின் அழகும், பொலிவும், அறிவுத் திறனும் கூடும். தள்ளிப் போன திருமண வாய்ப்புகள் தேடிவரும். இதற்கு முன் இருந்து வந்த கெடுபிடிகள் சில இடங்களில் நீங்கும். இதுநாள் வரை இருந்து வந்த பய உணர்வுகள் குறையும். பண விஷயங்களில் யாரையும் நம்பி ஏமாறாமல், மிகுந்த எச்சரிக்கையுடன் இருப்பது நல்லது. நல்லவர்களுடன் ஏற்படும் பழக்கத்தால் நல்லதே நடக்கும். மாணவர்களுக்கு கல்வியில் தடைகள் ஏற்படும். உயர் அதிகாரிகள் ஆதரவால் பணியில் இருந்து வந்த அலைச்சல்கள் குறையும்.. புதிய நண்பர்களால் நன்மை ஏற்படும். மாணவர்களின் கவனச் சிதறல்கள் காரணமாக படிப்பில் ஆர்வம் குறையும். சிலருக்கு எதிர்பாராத இடமாற்றங்களும் பயணத்தில் துன்பமும் ஏற்படும்.
பரணி — இந்த வாரம் உங்கள் தெய்வீக சிந்தனைகள் மூலம் மனதில் அமைதி நிலவும். இதுநாள் வரை இருந்து வந்த இன்னல்கள் நீங்கி, ஓரளவு, விரும்பிய பொருட்கள் வீடு வந்து சேரும். ஆடை, ஆபரணங்கள் பற்றிய சிந்தனைகள் குறையும். வீட்டிலேயே இருப்பதால், மனைவியின் கைவண்ணத்தில், பிடித்தமான நல்ல உணவு கிடைக்கும். தொழில் விஷயமாக எந்தவித புதிய திட்டங்களையும் தீட்டி விடாதீர்கள். முக்கியத் திட்டங்கள் நிறைவேற எடுத்த முயற்சிகள் யாவும் வெற்றிகரமாக முடியும் என்று சொல்வதற்கில்லை. தொடர் முயற்சி செய்தால், வியாபாரிகளுக்கு வங்கிக் கடன்கள் தாமதமாகவே கிடைக்கும். குழந்தைகளின் ஆரோக்கியத்தில் மிகுந்த கவனம் தேவை. வியாபாரிகள், திட்டமிட்டு வியாபாரம் செய்தால் இலாபம் பார்க்கலாம். ஆயினும், அரசு கெடுபிடிகள் குறையும்.
கார்த்திகை 1 ஆம் பாதம்.— இந்த வாரம் வீட்டிலேயே, பக்தி மார்க்கத்தில் ஈடுபாடு அதிகரிக்கும். வெளியில் செல்ல முடியாத நிலையில் வீட்டில், குடும்பத்துடன், நல்லுணவு உண்டு மகிழ்வார்கள். நல்லோர் சேர்க்கையால் எல்லாம் நல்ல விதமாக நடக்கும். மாணவர்களுக்கு கல்வியில் தடைக்கு பின் முன்னேற்றம் உண்டு. சிலருக்கு, வீட்டில் பொழுதைக் கழிப்பதே கஷ்டமான வேலையா க இருக்கும். எதிர்பார்த்த இனங்களில் இருந்து தாமதமாகவே, தனவரவுகள் வந்து வந்து சேரும். பலசரக்கு மற்றும் காய்கறி வியாபாரிகளுக்கு அதிக ஆதாயம் கிடைக்கும். சுயதொழில் செய்பவர்களுக்கு சிரம்மான காலம். தயாள குணம் உள்ளவர்கள், தரும காரியங்களுக்கு தாராளமாகச் செலவு செய்து, புண்ணியம் தேடி கொள்வர். சீருடைப் பணியாளர்கள் சிறப்பாகப் பணிபுரிந்து, மக்களின் பாராட்டைப் பெறுவார்கள்.
ரிஷபம்
(கார்த்திகை – 2,3,4 பாதங்கள்-ரோகிணி-1,2,3,4-பாதங்கள்-மிருகசிரீடம்-1,2 பாதங்கள்
கார்த்திகை 2,3,4 பாதங்கள் – இந்த வாரம் வீட்டில் நடைபெற இருந்த சுப காரியங்கள் அனைத்தும், தடை, தாமதங்களுக்குப் பிறகு, சிறப்புற, சிம்பிளாக நடக்கும். முக்கிய பணிகளில் சுறுசுறுப்பு குறைந்து, சோம்பல் அதிகரிக்கும். மற்றவர்கள் உயர்வைக் கண்டு பொறாமை கொள்ளாதிருப்பது நல்லது. தீவிர முயற்சி செய்தாலும்., இளைஞர்களுக்கு புதிய வேலை வாய்ப்புகள் கிடைக்கத் தாமதமாகும். . வியாபாரத்தில் புதிய விரிவாக்கத் திட்டங்களை ஒத்திப் போடுவது நல்லது. வெளியூர்ப் பயணங்கள் போகும் போது எதிர்பாராத போக்குவரத்து பிரச்சனைகள் ஏற்படலாம். தாய்வழி உறவுகளால் எவ்வித உதவியும் இருக்காது. சிலருக்குக் காரியத்தடைகள், கால தாமதங்கள் காரணமாகப் பின்னடைவுகள் ஏற்படும். மேலதிகாரிகளின் ஆதரவால் பணியில் முன்னேற்றங்களை அடைய முற்படுவீர்கள். வேலைப்பளு கூடும்.
ரோகிணி – இந்த வாரம் தொலை தூரப் பயணங்களை ஒத்திப் போடுவது நல்லது. வாழ்க்கையில் முன்னேற்றத்துக்கான புதிய வழிகள் தென்படலாம். ஆனால், அது எட்டாக் கனியாகவே இருக்கும். இந்த நாட்களில் சீருடைப்பணியாளர்கள் உங்கள் திறமை மிக்க செயல்பாடுகளால் அனைவரின் பாராட்டையும் பெறுவீர்கள். வாகனங்களில் செல்லும் போது எச்சரிக்கையுடன் இருக்காவிட்டால் விபத்தில் சிக்க நேரிடலாம். கவனம் தேவை. வேலைப்பளு காரணமாக நேரத்துக்கு உணவருந்த முடியாத நிலை ஏற்படும். வீட்டிலேயே உறவுகளோடு இருப்பதால், விருந்து, மகிழ்ச்சிக் கொண்டாட்டம் என குழந்தைகளோடு, ஆனந்தம் பொங்கும். சிலருக்கு அஜீரணத் தொல்லைகள் ஏற்பட்டு மருத்துவரிடம் செல்ல நேரலாம். நீங்கள் எதிர்பார்த்த இடங்களில் இருந்து பணவரவு தாமதமாகவே வரும்.
மிருகசிரீஷம் – 1 , 2 பாதங்கள் – இந்த வாரம் பொருளாதார நிலை சீராக இருக்கும் என்று சொல்வதற்கில்லை.. சிலருக்கு வீட்டில் நிச்சியிக்கப்பட்ட திருமணங்கள் சூழ்நிலை காரணமாக தள்ளிப் போகலாம். போக்குவரத்து பிரச்சனைகள் காரணமாக பயணம் செய்ய முடியாத சூழ்நிலைகள் எழலாம். இதுநாள் வரை இருந்து வந்த பயங்கள் மறைந்து, மனோதைரியம் அதிகரிப்பதன் காரணமாக எதையும் எதிர்த்து வெற்றி பெறுவீர்கள். தொழிலில் எதிர்பார்த்த தனவரவு ஏற்பட, சிறிது காலம் பிடிக்கும். அரசுக் கடன்கள் கிடைக்கும் வாய்ப்பு ஏற்படும். அரசுப் பணியாளர்களுக்கு வேலைப்பளு கூடும். ஆனால், பாராட்டுகள் கிடைக்கும். சிலருக்கு, வாகன வசதிகள் குறையும். மாணவர்களுக்குக் கல்வியில் தடை, தாமதங்கள் ஏற்படும். அதன் காரணமாக படிப்பில் ஆர்வம் குறையும்.
மிதுனம்
(மிருகசிரீடம்- 3,4 பாதங்கள், திருவாதிரை-1,2,3,4 பாதங்கள், புனர்பூசம்-1,2,3 பாதங்கள்)
மிருகசிரீஷம் – 3 , 4 பாதங்கள். – இந்த வாரம் வீட்டிலேயே, இருப்பதால், சிலருக்கு, பூஜை வழிபாடுகளால் மனக்கவலைகள் குறையும். திக்கற்றவர்களுக்குத் தெய்வமே துணை, என, தத்துவம் பேச நேரும். எண்ணிய எண்ணங்கள் ஈடேறும் என்று சொல்வதற்கு இல்லை. சாண் ஏறினால் முழம் சருக்கும். வாழ்க்கையில் முன்னேற்றம் ஏற்பட, தடை தாமதங்கள் தவிர்க்க முடியாததாகும். சீருடைப்பணி செய்பவர்களுக்கு சுற்று வட்டாரத்தில் நல்ல புகழும், கௌரவமும் உண்டாகும். அடிப்படை விஷயங்களில் அதிக கவனம் செலுத்தினால், நீங்கள் போட்ட திட்டங்கள் அனைத்தும் குழப்பமோ, சிக்கல்களோ இன்றி கச்சிதமாக முடிவடையும். சிலருக்குப் பணமுடைகள் ஏற்படலாம். தொழிலில் எதிர்பார்த்தபடி ஆதாயங்கள் இருக்காது. தாமதமாகும். பயணத்தின் போது மிகுந்த எச்சரிக்கையுடன் இருத்தல் அவசியம். சிலருக்குக் காரியத்தடைகள், வீண் அலைச்சல்கள் ஏற்படும்.
திருவாதிரை — இந்த வாரம் வெற்றிகரமான தொழில் முன்னேற்றங்கள் ஏற்படும் என்று சொல்வதற்கில்லை. எதிர்பாராதவிதமாக, சூழ்நிலை காரணமாக, தனவரவு தாமதப்படும். சுற்றத்தார் அவரவர் வீட்டில் இருப்பதால், அவர்கள் மூலமாக பணவுதவிகள் கிடைக்காது. மனமகிழ்ச்சி குறையும். வாழ்க்கையில் முன்னேற்றங்களைக் காண கடின உழைப்பு தேவைப்படும். மருத்துவர்கள் புகழையும், கௌரவத்தையும் அடைவார்கள். தொலைதூரப் பயணங்களை ஒத்திப் போடுவதால் நன்மை ஏற்படும். தொழிலில் விஸ்தரிப்பு நடவடிக்கைகளுக்கு, சரியான காலமல்ல. எந்தவொரு காரியத்தையும், பொறுமையாக, அவசரப்படாமல், நிதானமாகச் செய்தால் ஓரளவுக்கு வெற்றி கிடைக்கும்.கோபத்தைக் குறைத்தால் குடும்பத்தில் குழப்பங்களும் குறையும்.
புனர்பூசம் – 1, 2, 3 – பாதங்கள். இந்த வாரம் விருந்தினர் வருகை இருக்காது. வீட்டிலேயே இருப்பதால் குடும்பத்தோடு, சந்தோஷம் பெருகும். சினிமா, மால்களில் பொழுது போக்கு போன்ற செலவுகள் அடியோடு குறையும். தந்தைவழி உறவுகளால் சிலருக்கு, வீண் தொல்லைகள் ஏற்படலாம். தீயவர்கள் தொடர்பால் சஞ்சலம் ஏற்பட வாய்ப்புண்டு. வியாபாரத்தில் புதிய யுக்திகளைப் புகுத்தி, இலாபத்தை அதிகரிக்க முயன்றாலும், தடை, தாமதங்கள் ஏற்படும். நீங்கள் அரசாங்கத் துறைகளின் மூலமாக எதிர்பார்த்த அனுகூலங்கள் யாவும் வந்து சேர காலதாமதமாகும். பல விஷயங்களில், சிலருக்குத் தடை, தாமதங்கள் ஏற்படலாம். சீருடைப் பணியாளர்களுக்கு, இடைவிடாத கடின உழைப்பின் காரணமாக நேரத்துக்கு உணவு உட்கொள்ளவும் நேரம் இருக்காது. அரசு வகையில் கட்ட வேண்டிய தீர்வைகள் செலுத்துவதற்கு சலுகைகள் கிடைக்கும்.
கடகம்
(புனர்பூசம்- 4 ஆம் பாதம், பூசம்-1,2,3,4 பாதங்கள், ஆயில்யம்-1,2,3,4 பாதங்கள்)
புனர்பூசம் – 4 ஆம் பாதம். இந்த வாரம் புதிய முயற்சிகள் மற்றும் முதலீடுகளைத் தவிர்ப்பது நல்லது. மருத்துவர்கள், விஞ்ஞானிகள், புதிய சாதனைகள் புரிந்து மற்றவர்களின் பாராட்டைப் பெறுவார்கள். பெண்களுடனான வாக்குவாதங்களைத் தவிர்க்கவும். சிலருக்கு மனச் சஞ்சலங்களும், அலைச்சல்களும் ஏற்படலாம். வீண்செலவுகள் அதிகரிக்கும். பின்வரும் நாட்களில் புதிய முயற்சிகளாலும், தனவரவு அதிகரிக்க சிறிது, தாமதப்படலாம். அந்த நேரங்களில், தங்கள் சேமிப்பே, கைகொடுக்கும். கேளிக்கைகளில் ஈடுபடுதல், இனிய பயணங்கள் போவது, என எல்லாம் கனவாகவே இருக்கும். வியாபரிகளுக்கு வியாபாரம் ஏற்ற இறக்கமாகவே இருக்கும். சிலருக்கு, நோய்நொடிகள் ஏற்பட வாய்ப்புள்ளதால், எச்சரிக்கையாக இருப்பது நல்லது, விஷயமான அதிகாரிகளின் சந்திப்பு அனுகூலமாய் இருக்கும்.
பூசம் — இந்த வாரம் வீட்டிலேயே இருப்பதால், மீடியாக்களில், சாதுக்கள் தரிசனம் மற்றும் புண்ணிய கதைகள் கேட்டல் என பொழுது பக்தி மயமாகக் கழியும். வாழ்க்கையில் நீங்கள் எதிர்பார்த்தபடி முன்னேற்றங்களும், சுகானுபவங்களும் மாறுபட்ட நிலையிலேயே இருக்கும். நினைத்தது எதுவும் நடக்காது. மருத்துவர்கள், செவிலியர்கள் தங்களின் உழைப்பால், கௌரவத்தையும், புகழையும் அடைவார்கள். பொறாமை காரணமாக நண்பர்களே பகைவராவர். பிராயணங்கள் மூலமாகப் புதிய முயற்சிகளில் இறங்கித் தொழில் முன்னேற்றங்காண முயல்வீர்கள். கலைஞர்களுக்கு புதிய ஒப்பத்தங்கள் கையெழுத்தாகும். சிலர், இடம் விட்டு இடம் மாறி வேறு இடத்தில் வாழ நேரலாம். எதிர்பார்பார்ப்புக்கு மேல் தாராளமான பணவரவு இருக்கும் என்று சொல்வதற்கில்லை. சிலருக்கு வியாபாரப் போட்டிகளால் வீண் மனஸ்தாபங்கள் ஏற்படலாம்.
ஆயில்யம் – இந்த வாரம் உங்களுக்குப் பணம் சம்பாதிப்பதில் எப்பொதும் இல்லாத அளவுக்கு சிரமங்கள் ஏற்படும். சுறுசுறுப்பாகப் பணிபுரிந்தாலும், முன்னேற்றத்தில் முட்டுக் கட்டைகள் அதிகரிக்கும். இலக்கை எட்டுவது, எட்டாக் கனியாக இருக்கும். புத்திரர்கள், சொன்னபடி கேட்காமல், தொல்லை தருவார்கள். அரசியல்வாதிகளுக்கு மக்களுக்கு, சேவை செய்யும், பாக்கியம் ஏற்படும். கௌரவப் பட்டங்கள், பதவிகள் ஆகியவை கிடைக்கும். காவல்துறை மற்றும் இராணுவப் பணியாளர்கள் பல சாகஸங்களை நிகழ்த்துவர். குடும்பத்தில் வீண் வாக்குவாதங்களைத் தவிர்த்தால் மனக் கசப்புக்களைத் தவிர்க்கலாம். பணிபுரியும் இடத்தில் அதிகாரிகளிடம் அனுசரித்துச் சென்றால் முன்னேற்றங்களை எதிர்பார்க்கலாம். சிலருக்கு, தொழில் முன்னேற்றம் என்பதில், இலவு காத்த கிளி போன்ற நிலையே நிலவும்.
. சிம்மம்
(மகம்-1,2,3,4 பாதங்கள்,பூரம்- 1,2,3,4 பாதங்கள் மற்றும் உத்திரம்- 1 பாதம்)
மகம் – இந்த வாரம் வீட்டில் நிச்சியித்த சுப காரிய நிகழ்ச்சிகள் தடை, தாமத்த்திற்குப் பிறகே, நடக்கும். அதன் காரணமாகச் சந்தோஷம் பொங்கும். ஏமாற்றத்தைத் தவிர்க்க கூட்டாளிகளிடம் எச்சரிக்கையாக இருப்பது நல்லது. மனைவியுடன் கருத்துவேறுபாடு ஏற்பட வாய்ப்பு இருப்பதால் சமாதானமாகப் போவது சிறப்பு. மாணவர்களுக்குத் தேர்வுகள், தள்ளிப்போகும். சிலருக்கு, பெண்களால் இலாபம் ஏற்படும். பொருளாதார நிலையைப் பொறுத்தவரை சிரமமான காலம். அதன் காரணமாக சேமிப்புக்களில் இருக்கும் பணத்தில் கை வைக்கவேண்டிய நிலை ஏற்படும். பழைய பொருட்களை விற்பனை செய்யும் வியாபாரிகள் நல்ல வருமானத்தை அடைவார்கள். புதிய தொழில் தொடங்க எடுக்கப்படும் முயற்சிகளில் வெற்றி தாமதப்படும்.
பூரம் – இந்த வாரம் உங்கள் குடும்ப சந்தோஷம் குறைவில்லாது நிறைந்திருக்கும் என்று சொல்வதற்கில்லை. எதிலும், தடை, தாமதங்கள் ஏற்படும். எந்தக் காரியங்களிலும் முழுமையான ஈட்பாடு இருக்காது. வீட்டிலேயே இருப்பதால், தம்பதிகளிடையே அன்னியோன்யம் அதிகரிக்கும். பெரியோர்களின் ஆசியால் நீங்கள் எடுக்கும் அனைத்து முயற்சிகளும் தாமதமாகவேனும், வெற்றி அடையும். சம்பாதிக்கும் திறன் மேம்படும். மிகக் கடினமான வேலைகளையும் தன்னம்பிக்கை காரணமாக சிறப்பாகச் செய்து முடிப்பீர்கள். அரசு வேலைக்கு மனுச் செய்தவர்களுக்கு அனுகூலமான பதில்கள் வரத் தாமதமாகும். வியாபாரிகளுக்கு வியாபாரம் ஏற்ற இறக்கமின்றி ஒரே சீராக இருக்கும். அண்டை வீட்டார், நண்பர்கள் மற்றும் சகோதரரால் உங்கள் பிரச்சனைகள் அதிகமாகும்.
உத்திரம்- 1 பாதம் – இந்த வாரம் உடன் பிறப்புக்களிடம் இருந்து நீங்கள் எதிர்பார்க்கும் பணவுதவிகள் கிடைக்க வாய்ப்புகள் குறைவு.. புதிய வீடு, பூமி வாங்க எடுக்கும் முயற்ச்சிகளைத் தள்ளிப்போடுவது நல்லது. வங்கிக் கடன்கள் கிடைக்கத் தாமதமாகலாம். வாகனங்களில் செல்லும் போது கவனமாகச் செல்லவும். எல்லா வசதிகளும் இன்பமும் ஏற்படும் என எதிர்பார்க்க முடியாது. ஏதாவது மனக்குறை இருந்து கொண்டே இருக்கும். தலைவலி போன்ற சிறுசிறு உபாதைகள் ஏற்படலாம். நல்ல உயர்ந்த மனிதர்களின், பண்பு மிக்கவர்களின் நட்பு ஏற்படும். சிலருக்குப் பயணங்களிலும், அரசு வகையிலும் தொல்லைகள் ஏற்படலாம். தொழிலில் பணியாளர்களின் ஒத்துழைப்புக் குறைவால், உற்பத்திகள் குறையும் வாய்ப்பு ஏற்படலாம்.
கன்னி
(உத்திரம் – 2, 3, 4-பாதங்கள், ஹஸ்தம்-1, 2, 3, 4 பாதங்கள், சித்திரை – 1,2 பாதங்கள்)
உத்திரம் – 2, 3, 4 – பாதங்கள். இந்த வாரம் பண விஷயத்தைப் பொருத்தவரை திருப்திகரமான வாரமாக இருக்காது. கடன் வாங்க நேரலாம். வீட்டில் திருமண வைபவங்கள் தடை, தாமத்த்திற்குப் பிறகே நடைபெறும். மாணவர்களுக்குத் தேர்வுகள் தள்ளிப் போகும். கல்வியில் தேர்ச்சி குறையும். அனைவரும் வீட்டிலேயே இருப்பதால், குடும்ப சந்தோஷம் குறைவில்லாது நிறைந்திருக்கும். கணவன் மனைவி இடையே அன்னியோன்யம் அதிகரிக்கும். ஞானிகள் மற்றும் பெரியோர்களின் ஆசியால் நீங்கள் எடுக்கும் அனைத்து முயற்சிகளும் வெற்றி அடையும். பக்கத்து வீட்டார், நண்பர்கள் மற்றும் சகோதரரால் உங்கள் பிரச்சனைகளுக்கு ஒரு முடிவு வரும். தொழில் வாய்ப்புக்கள் குறையும். போக்குவரத்து இடர்பாடுகளால், புண்ணியத் தல தரிசனங்கள் தடைப்படும். அரசுப் பதவியில் உள்ளவர்கள் தயவால் அனுகூலமான பலன்களை அடைவர்.
ஹஸ்தம் – இந்த வாரம் தனவரவு தாமதப்படும். செலவுகள், அதிகரிப்பால் குடும்பத்தில் மகிழ்ச்சியும் குறையும். உறவுகள் வருகையும் குறையும். வீட்டிலேயே இருப்பதால் சிலருக்கு உள்ளம் மகிழும். குடும்பத்தாருடன், ஒன்றாக, உணவருந்தி மகிழ்வீர்கள். சிலருக்கு வீண்பேச்சு, வீண் அலைச்சல் மற்றும் வீண் செலவுகள் ஏற்படும். சீருடைப்பணியாளர்கள், மிகப் பெரிய சாகசங்களைப் புரிவார்கள். அதிகாரிகளுடன் வீண் சச்சரவுகளை விலக்கினால் பணியில் எதிர்பார்த்த உயர்வுகள் இருக்கும். சிலருக்கு, சம்பாதிக்கும் திறன் மேம்பட்டாலும், மனதில் திருப்தி இருக்காது. மிகக் கடினமான வேலைகளையும் தன்னம்பிக்கை காரணமாக சிறப்பாகச் செய்து முடிப்பீர்கள். அரசு வேலைக்கு மனுச் செய்தவர்களுக்கு தாமதமாகவே பதில்கள் வரும். வியாபாரிகளுக்கு வியாபாரம் ஏற்ற இறக்கமாக இருக்கும்.
சித்திரை – 1,2 பாதங்கள் – இந்த வாரம் இதுவரை, இருந்து வந்த இழுபறி நிலைகள் மாறி, புதுத்தெம்பும், உற்சாகமும் கூடும். வாகனத்தில் செல்லும்போது எச்சரிக்கையுடன் இருக்கவும். வாகன வசதி குறையும். சிலருக்கு, மனைவி மூலம் பூர்ண சுகம் கிடைக்கும். நண்பர்களும் பகைவர்களாக மாறும் காலமாதலால் நண்பர்களிடம் தடித்த வார்த்தைகளை பயன்படுத்தாமல் இருப்பது நல்லது. எடுத்த முயற்சிகள் யாவும் வெற்றி அடைய கடின உழைப்பால் மட்டுமே நல்ல இலாபமோ, அதிக பலனோ கிடைக்கும். புதிய பெண்கள் தொடர்பு ஏற்படும். சிலருக்கு ஆரோக்கியக் குறைவும் ஏற்படலாம். புத்தி தெளிவு ஏற்பட்டு அதன் காரணமாக செயல்திறன் அதிகரிக்கும். அரசு அதிகாரிகளுக்கு, அந்தஸ்தும் புகழும் உயரும். தொலை தூரத்திலிருந்து எதிர்பார்த்த, நற்செய்திகள் தாமதப்படும்.
துலாம்
(சித்திரை-3,4 பாதங்கள், சுவாதி – 1,2,3,4 பாதங்கள் மற்றும் விசாகம்- 1,2,3 பாதங்கள்)
சித்திரை-3,4 பாதங்கள் – இந்த வாரம் தூர தேசப் பயணங்களை ஒத்திப் போடுவது நல்லது. சிலருக்கு, பணவிஷயமாக எதிர்பார்த்த நல்ல தகவல்கள் வரும். சுபகாரியச் செலவுகள் ஏற்படும். புதிய முயற்சிகளால் பண வருமானம் அதிகரிக்கும். நல்ல பல கருத்துக்களைக் கேட்பதின் மூலமாக ஞானத்தன்மை அதிகரிக்கும். பக்தி மார்க்கத்தில் செல்ல மனைவியின் பூரண ஓத்துழைப்புக் கிடைக்கும். புதிய கொள்முதல் மூலமாக தொழிலில் அதிகமான வருவாய்ப் பெருக்கம் ஏற்படும். வாடிக்கையாளரிடம் நட்புப் பாராட்டும் வியாபாரிகளுக்கு அதிக இலாபம் கிடைக்கும். அதிகாரிகளின் பணிப்பளு கூடும். பெரிய மனிதர்களின் நட்பால் ஆதாயம் பெறுவீர்கள். நீங்கள் எடுக்கும் அனைத்து முயற்சிகளும் வெற்றி பெறும். பிறர் மேல் இரக்கம் ஏற்பட்டுத் தானதருமங்கள் செய்வீர்கள்.
சுவாதி – இந்த வாரம் விரும்பிய பொருட்களை எல்லாம் வாங்கும், நிலை இருக்காது. சுகமும் குறையும். பல குழப்பங்கள் நிலவும். எதிர்பாராத தனவரவுகள் குறையும். சிலர், வீட்டிலேயே இருப்பதால், மனைவி மூலம் மட்டற்ற மகிழ்ச்சி நிலவும். சிலருக்கு, வாக்கால் வருமானம் பெருகும். எண்ணிய எண்ணங்கள்யாவும் நிறைவேறும் என்று சொல்வதற்கில்லை. அரசாங்கத்தால் அடித்தள மக்களுக்கு, அனுகூலம் உண்டு. புதிய தொழில் முயற்சிகள் அரசு உதவியுடன் வெற்றி பெரும். கல்வியில் தடை தாமதங்கள் ஏற்படும். சிலருக்கு, தெய்வ சிந்தனை மற்றும் தரும சிந்தனையும் ஏற்படும். சிலருக்கு வாகனங்களால் தொல்லை ஏற்படலாம். பிரபலமானவர்களின் அன்பும், நட்பும் கிடைக்கும். புத்தக வெளியீடு போன்ற தொழில்களில் முன்னேற்றம் ஏற்பட்டு, ஆதாயம் அதிகரிக்க தாமதமாகும்.
விசாகம்- 1,2,3 பாதங்கள் – இந்த வாரம் சுபகாரியங்கள் தள்ளிப் போனாலும், சிம்பிளாக, சிறப்பாக நடக்கும். இல்லமே விழாக்கோலம் பூணாமல், குறைந்த அளவு உறவுகளின் ஆசியோடு நடக்கும். சிலருக்கு, சமாளிக்க முடியாமல், திடீரென செலவுகள் ஏற்படும். வியாபார சம்பந்தமான முயற்ச்சிகள் மற்றும் பயணங்களை ஒத்திவைப்பது நல்லது. அரசுப் பணியாளர்களுக்கு வேலைப்பளு கூடினாலும், புகழும், கௌரவமும் கூடும். வீரம் பொங்கும். அவர்களின், சேவைகள் அனைவராலும் அங்கீகரிக்கப்பட்டு, பாராட்டும் கிடைக்கும். சிலர் எதிர்பார்த்த பணி இடமாற்றங்கள் தாமதப்படும். மகான்களின் தரிசனத்தால் மனம் மகிழ்வதோடு, மனதில் அமைதியும் நிலவும். வியாபாரிகளுக்கு முதலீடுகள் அதிகரித்து இலாபமும் அதிகரிக்கும். உத்தியோகம் மற்றும் தொழிலில் அபிவிருத்தி ஏற்படும். தொழில் வாய்ப்புகள் தள்ளிப் போகும்.
விருச்சிகம்
(விசாகம்- 4, அனுஷம்- 1,2,3,4 பாதங்கள் மற்றும் கேட்டை -1,2,3,4 பாதங்கள் )
விசாகம்- 4 ஆம் பாதம் – இந்த வாரம் நீங்கள் வீட்டிலேயே இருப்பதால், முக்கிய விருந்துகளில் கலந்து கொண்டு, மகிழ்ச்சி அடைவதைப் போல், ஆரவாரத்துடன் பொழுதைக் கழிப்பீர்கள். எல்லாவகையிலும் சிறப்பான பலன்களைத் எதிர்பார்க்க முடியாது. சிலருக்கு உடல் பாதிப்புகள் ஏற்படலாம். அரசியல்வாதிகளிடமும் மற்றும் அரசாங்கத்திடமும் எதிர்பார்த்த அனுகூலங்கள் அனைத்தும் தாமதமாகக் கிடைக்கும். தொழில் சம்பந்தமான முயற்சிகளை ஒத்திப் போடுவது நல்லது. அரசுப் பணியாளர்களுக்கு, வேலைப்பளு கூடினாலும், பெயரும், புகழும் கூடும். நோய் தொற்று காரணமாக, அரசு கெடுபிடிகள் இருத்தாலும், மக்கள் ஒதுதுழைப்பு, அவசியமான ஒன்று. வியாபாரிகள் தங்கள் வாடிக்கையாளர்களை பொறுமையாகக் கையாள்வது அவசியம். நண்பர்கள் விரும்பி வந்து உதவி செய்வார்கள்.
அனுஷம் – இந்த வாரம் சிலருக்கு, ஒருநாள் போவது ஒரு யுகம் போவது போல் இருக்கும். வீட்டில் இருப்பவர்களுடன், பண்டைய விளையாட்டுகளை விளையாடி மகிழ்ச்சிகரமாகப் பொழுதினைக் கழிப்பீர்கள். செலவுகள் கூடும். தனவரவு தாமதப்படும். எந்தக் காரியத்தையும் திறம்படச் செய்யும் உங்கள் செயல்திறன் கூடினாலும். அதற்கேற்ற ஆதாயம் இருக்காது. கல்வியில் தடை, தாமதங்களுக்குப் பிறகு, தேர்ச்சி ஏற்படும். தெய்வ சிந்தனை மற்றும் தரும சிந்தனையும் ஏற்படும். சிலருக்கு, வாகனப் பயணங்களால் தொல்லைகள் எழும். சிலருக்கு, பணம் சம்பாதிப்பதில் ஆக்கமும், ஊக்கமும் ஏற்படும். பயணங்கள் தடைப்படும். தள்ளி வைக்க நேரும். புதிய தொழில் தொடங்க எடுக்கப்படும் முயற்சிகளை ஒத்திப் போடுவது நல்லது. இழப்புகளை சமாளிக்கலாம். தாமதமாகவே, வெற்றி பெறும் காலம் கனிந்து வரும்.
கேட்டை – இந்த வாரம் திருமணம் ஆகாதவர்களுக்குத் திருமணம் தாமதமாகவே, நடக்கும். சுபகாரிய நிகழ்ச்சிக்கான ஏற்பாடுகள் தள்ளிப் போகும். ஊரடங்கால் இல்லத்தில் இருக்க வேண்டிய நிலை ஏற்பட்டு, மகிழ்ச்சி பொங்கும். புண்ணியத் தல யாத்திரைகள் தள்ளிப் போகும். பணமுடை ஏற்படுவதோடு, தேவையற்ற அலைச்சல்களும் ஏற்படும். வீண் மனஸ்தாபங்களைத் தவிர்த்தால் வீட்டில் அமைதி நிலவும். சிலர் பிறரால் குற்றம் சாற்றப்பட்டு அவதிப்பட நேரலாம். பணிபுரியும் பெண்கள் பதவி உயர்வுகளை எதிர்பார்க்கலாம். சில நேரங்களில் சுறுசுறுப்பற்ற நிலையும், மனோபயமும் நிலவும். மகான்களின் ஆசியும், புதிய தொடர்புகளால் நன்மைகளும் ஏற்படும். போட்டி, பந்தயங்களில் சிலருக்கு, வெற்றி கிடைக்கும். கல்வியில் தடை தாமதங்கள் ஏற்படும். தேர்ச்சி ஏற்பட கடின உழைப்புத் தேவை.
தனுசு
(மூலம்-1,2,3,4 பாதங்கள், பூராடம்- 1,2,3,4 பாதங்கள் மற்றும் உத்திராடம் –1 பாதம்)
மூலம் – இந்த வாரம் வீட்டிலேயே இருந்து, மிகுந்த உற்சாகத்துடன் பக்தி மார்க்கத்தில் ஈடுபடுவீர்கள். கடின உழைப்பால் நீங்கள் பெறும் வெற்றிகளால் அனைவரின் பாராட்டினையும் பெறுவீர்கள். மங்கையரால் மன மகிழ்ச்சியும், அரசாங்கத்தால் இலாபமும் ஏற்படும். சம்பாதித்த பணத்தைப் புதிய முதலீட்டுத் திட்டங்கள் மூலமாக சேமிக்க முற்படுவீர்கள். ஆனால், அந்த முதலீடுகளை ஒத்திப்போடுவது நல்லது. நீண்ட நாட்களுக்குப் பின்னர், இதுவரை இருந்து வந்த கெடுபிடிகள் ஓரளவு குறையும். பணிபுரியும் பெண்களுக்கு பணிச்சுமை கூடும். மருத்துவப் பணியாளர்கள் சேவை பாராட்டைப் பெறும். சிலருக்கு தற்போது இருக்கும் வேலையைக் காட்டிலும் நல்ல வேலைக்குப் போகும் வாய்ப்புகள் அமைநுதாலும், தாமதப்படும். வாகன வசதி குறையும். மாணவர்களுக்குக் கல்வியில் தடை, தாமத்த்திற்குப் பிறகே, தேர்ச்சி உண்டாகும்.
பூராடம் – இந்த வாரம் வீட்டில் திருமணம் போன்ற சுபமங்கள காரியங்கள் ஊரடங்கு காரணமாக தாமதப்படும். தாராளமான பணச் செலவுகள் ஏற்படும். சிலருக்கு, நல்ல புத்திர பாக்கியம் ஏற்படும். இனிய தகவல்கள் இல்லம் தேடி வரும். வீட்டில் இருந்தபடியே தங்கள் பணிகளைச் செய்யும் சூழல் சிலருக்கு ஏற்படும். வாகனங்களில் எச்சரிக்கையுடன் செல்லுங்கள். தடை, தாமதங்கள் ஏற்படலாம். அரசுப் பதவியில் உள்ளவர்கள் உயர் அதிகாரிகளின் தயவால் பயன் பெறுவர். நெருங்கிய நண்பர்களின் உதவியால் கூட்டாளிகளிடையே ஏற்பட இருந்த குழப்பங்கள் சரியாகும். வீடு, கடை வாடகை வசூல்கள் தாமதப்படும். வீட்டுக்குத் தேவையான நவீன உபகரணங்களை வாங்க முயன்றாலும் தாமதப்படும். வியாபார சம்பந்தமான வெளிநாட்டுப் பயணங்களைத் தள்ளிப் போடுவது நல்லது.
உத்திராடம் –1 ஆம் பாதம் – இந்த வாரம் மனை, வீடு வாங்கும் செயல்பாடுகளைத் தள்ளிப் போடுவது நல்லது. சிலருக்கு, அலைச்சல்கள் அதிகரிக்கும். மேலதிகாரிகளை அனுசரித்துச் செல்வது, தங்கள் பணி உயர்வு மற்றும் முன்னேற்றத்துக்கு நல்லது. தொழிலில் உற்பத்தி பாதிப்புக்கள் ஏற்படலாம். ஆயினும், எதிர்பார்த்த இனங்களில் எடுக்கும் முயற்சிகளில் எப்பாடுபட்டாவது வெற்றி அடைவீர்கள். அந்தஸ்து உயரும். விவசாயிகளுக்கு ஆதாயம் கிட்டும். மாணவர்களுக்குத் தேர்வு முடிவுகள் தாமதமாகும். உல்லாசமாய்ப் பொழுது போக்கும் விதமாக, நமக்கு எல்லா நாட்களும் விடுமுறை நாட்களோ என்ற எண்ணம் உருவாகும். அதேபோல் இன்பமும் துன்பமும் கலந்தது தானே வாழ்க்கை. எனவே, கஷ்டங்கள் வந்தாலும் கலங்காதீர்கள்.
மகரம்
(உத்திராடம்- 2,3,4- பாதங்கள், திருவோணம்-1,2,3,4 மற்றும் அவிட்டம் 1,2 பாதங்கள் )
உத்திராடம்- 2,3,4- பாதங்கள் — இந்த வாரம் சிலர், இல்லத்திலேயே இருப்பதால், மகிழ்ச்சிகரமான கொண்டாட்டங்களால் மகிழ்ச்சி பொங்கும். பணவரவு ஓரளவு, அதிகரிப்பதால் மகிழ்ச்சி ஏற்பட்டாலும், தேவையற்ற செலவுகள் ஏற்படும் வழக்குகளில் வாய்தா ஏற்படும். அரசுப் பணியாளர்களின், அர்பணிப்பு உணர்வுடன் செய்யும் சேவைகள் மக்களின் பாராட்டைப் பெறும். நட்பின் மூலமாக ஆதாயங்கள் பெறும் நிலை உருவாகும். உங்கள் வாழ்க்கையில் நீங்கள் எடுத்து வைக்கும் ஒவ்வொரு அடியிலும் எச்சரிக்கை தேவை. தனிமைப்படுதல் அவசியம். தவறும் பட்சத்தில் நோய்நொடி ஏற்பட வாய்ப்புண்டு. சிலர், வெற்றியின் மகிழ்ச்சியை அனுபவிப்பார்கள். மாணவர்கள் தங்கள் பொன்னான நேரத்தை முகநூல் மற்றும் இணையதளங்களைப் பார்ப்பதில் வீணடிக்காமல், கருத்தோடு படித்தால் நல்ல மதிப்பெண்கள் பெறலாம். ஆயினும், தேர்வுகள் தள்ளிப் போகலாம்.
திருவோணம்- இந்த வாரம் நல்லவர்களுடனான தொடர்பால் மனம் உயர்ந்த எண்ணங்களைக் கொண்டதாக அமையும். பணவரவு அதிகரிப்பது போல், செலவுகளும் கூடும். நேர்மையும் கடின உழைப்பும் மட்டுமே வாழ்க்கையில் நல்ல முன்னேற்றத்தை அளிக்கும். போதுமான தனவரவு இருக்கும். உறவுகளின் ஒத்துழைப்பால் குடும்ப முன்னேற்றம் சாத்தியப்படும். அன்பு மிக்க பெண்களால் ஆனந்தம் பெருகும். புதுப்புது நவீன பொருட்களை அறிமுகப்படுத்தி வியாபாரத்தில் ஏற்றம் காண்பீர்கள். ஆழ்ந்த மனக் கவலைகள் அன்பு மனைவியின் அரவணைப்பால் குறையும். குழந்தைகளின் திறமை கண்டு உங்கள் மனதில் மகிழ்ச்சி ஏற்படும். வியாபார விரிவாக்கத்தால் கிடைக்கும் இலாபம் சுமாரானதாக இருக்கும்.
அவிட்டம் 1,2 பாதங்கள் – இந்த வாரம் எதிர்பாராத தனவரவுகள் தாமதப்படும். வெளியூர் பயணங்களைத் தள்ளிப் போடுவது நல்லது. தொழில் வெற்றிகரமாகவும், இலாபகரமாகவும் அமையும் என்று சொல்வதற்கில்லை. இல்லத்தில் மகிழ்ச்சி பொங்க, மங்கல காரியங்கள் ஈடேறுவதில் தடை, தாமதங்கள் ஏற்படும். அரசு வகையில் எதிர்பார்த்த ஆதாயம் மற்றும் உதவிகள் தாமதப்படும். தொழிலில் முன்னேற்றம் காண கடுமையான உழைப்பு தேவைப்படும். மருத்துவர்கள் மற்றும் செவிலியர்களின் திறமைமிக்க செயல்பாடுகளால் அவர்களுக்கு, வெற்றிகளும், பாராட்டுதல்களும் குவியும். தங்கள் வாழ்க்கையில் மனைவி மூலமாக முன்னேற்றத்துக்கான நல்ல ஆலோசனைகள் கிடைக்கும். அரசுப்பணி புரிபவர்களுக்கு அனுகூலமான வாரம். அவர்களுக்கு உயர் அதிகாரிகளின் ஆதரவு இருப்பதால், எதிரிகளின் கொட்டம் அடங்கும்.
கும்பம்
(அவிட்டம் – 3,4 பாதங்கள்– சதயம்-1,2,3,4 பாதங்கள்-பூரட்டாதி-1,2,3 பாதங்கள்)
அவிட்டம் – 3,4 பாதங்கள்— இந்த வாரம் நெருங்கிய உறவுகளை அனுசரித்துச் சென்றால் அவர்களின் உதவிகள் கேட்காமலே கிடைக்கும். ஆடம்பரச் செலவுகளைக் குறைத்தால் பொருளாதாரச் சிக்கல்களில் இருந்து மீளலாம். வேலையில் சிரத்தையும், கடின உழைப்புமே தொழிலில் நல்ல முன்னேற்றங்களைத் தரும். அப்போதுதான் உங்கள் கஜானாவும் பணத்தால் நிரம்பும். அன்பாகத் தட்டிக் கொடுத்து வேலை வாங்கினால் தங்களுக்குக் கீழ் பணிபுரிபவர்கள் வேலையில் கை கொடுப்பர். அதன் காரணமாக உற்பத்தி பெருகி, இலாபமும் அதிகரிக்கும். மற்றவர்களிடம் பேசும்போது எச்சரிக்கையுடன் பேசவும். நன்கு ஆராய்ந்து பங்குச்சந்தை விவகாரங்களில் ஈடுபட்டால் இழப்பைத் தவிர்க்கலாம்.
சதயம்- இந்த வாரம் அன்னையின் அன்பும் அரவணைப்பு மற்றும் உதவிகளும் ஆதரவாய் இருக்கும். திருமணமாகாத பெண்களுக்கு திருமணத்துக்கான முயற்சிகள் மேற்கொள்ளப்படும், ஆயினும், தாமதப்படும்.. அவசியமற்ற, அலைச்சல் தரும் பயணங்கள் மேற்கொள்ள நேரும், ஆனால் போக்குவரத்துப் பிரச்சனைகளால் தள்ளிப்போகும்.. அரசு ஊழியர்களுக்குக் கட்டளைகளை இடும்படியான அதிகாரம் மிக்க உயர்பதவிகள் கிடைக்கும். பிள்ளைகளிடம் நல்ல உயர்வான முன்னேற்றங்களை எதிர்பார்க்கலாம். கல்வியில் தடை தாமதங்கள் ஏற்படும். வாகனங்களில் செல்கையில் எச்சரிக்கை தேவை. உதவிகரமான புதிய நண்பர்கள் கிடைப்பர். எழுத்துத் தொழிலில் முன்னேற்றம் ஏற்படும். சிலருக்குக் கௌரவப் பட்டங்கள் கிடைக்கும்.
பூரட்டாதி-1,2,3 பாதங்கள் – இந்த வாரம் பல வழிகளிலும் இருந்தும் பணம் கூடுதலாக வரும் என்று சொல்வதற்கில்லை. சுக சௌகரியங்கள் குறையும். சிலருக்கு, புதிய நோய்கள் தோன்றலாம். வெளிநாட்டுப் பயணங்களைத் தள்ளிப் போடுவது நல்லது. வாணிபத்தில் முன்னேற்றம் காண கடினமான உழைப்பு தேவைப்படும். மனைவியுடன் கருத்து வேறுபாடு ஏற்படாது இருக்க அனுசரித்துச் செல்வது நல்லது. ஒளிமயமான எதிர்காலத்தைக் கருத்தில் கொண்டு தொழிலில் புதிய திட்டங்களைத் தீட்டும் முன் ஒருமுறைக்கு இருமுறை யோசிப்பது நல்லது. கூடியமட்டும் ஒத்திப் போடுவது நல்லது. அன்பு உறவுகளின் அருகாமை ஆனந்தம் தரும். செலவுகள் அதிகரிக்கும். பொதுஜனத் தொடர்பு காரணமாக உபரி வருமானம் கிடைக்கும்.
மீனம்
(பூரட்டாதி – 4 ஆம் பாதம், உத்திரட்டாதி-1,2.3.4 பாதங்கள் , ரேவதி- 1,2,3,4 பாதங்கள்)
பூரட்டாதி – 4 ஆம் பாதம் – இந்த வாரம் உறவினர்களிடம் வீணான வாக்குவாதம் செய்யாதிருப்பது நல்லது. பூமி அல்லது வாகனம் வாங்கும் யோகம் இருந்தாலும் தள்ளிப் போடுவது நல்லது. அதுபோல் உங்கள் எதிரிகளிடம் இருந்து விலகியே இருப்பதும் நல்லது. உங்களது நற்குணங்கள் அனைவரின் பாராட்டையும் பெறும். விவசாயிகளுக்கு அதிக மகசூல் ஏற்பட்டு, இலாபத்தால் வசதிகள் பெருகும். பணிபுரியும் பெண்கள் தங்கள் உயர் அதிகாரிகளின் ஆதரவால் முன்னேற்றம் காண்பர். பக்தி மார்க்கத்தில் ஈடுபாடு அதிகரிக்கும். சீரான பொருளாதார உயர்வு இருக்காது. எப்போதும் மனதில் ஒரு கலக்கம் இருக்கும். குடும்பத்தாருக்கும் அவர்கள் ஆசைகள் , விருப்பங்கள் நிறைவேறுவதால் குதுகலமாய் இருப்பர். அனுபவ பூர்வமான அறிவுத்திறன் கூடும். சிலருக்கு வீண் விரயங்கள் ஏற்படலாம்.
உத்திரட்டாதி- இந்த வாரம் ஓரளவு தனவரவு இருக்கும். தாயின் ஆரோக்கியத்தில் அக்கறை தேவை. சிலருக்கு குடும்ப வாழ்க்கையில் குழப்பம் வரலாம். சிலருக்கு வீண் விரயங்கள் ஏற்படலாம். சோம்பேறித்தனம் அதிகரிக்கும். பெண்களுக்கு ஆன்மிகத்தில் ஈடுபாடும், அதன் காரணமாகக் குடும்ப முன்னேற்றமும் ஏற்படும். கடன் கொடுத்தவர்கள் கண்டிப்புடன் நடந்துகொள்வர். நல்லவர்களுடனான தொடர்பால் மனம் உயர்ந்த எண்ணங்களைக் கொண்டதாக அமையும். பணவரவு அதிகரிப்பது போல், செலவுகளும் கூடும். ஆழ்ந்த மனக்கவலைகள் அன்பு மனைவியின் அரவணைப்பால் குறையும். குழந்தைகளின் சேட்டை, செயல்பாடு கண்டு உங்கள் முகத்தில் புன்னகையும், மகிழ்ச்சியும் ஏற்படும். வியாபார விரிவாக்கத்தால் கிடைக்கும் இலாபம் சிறப்பானதாக இருக்கும்.
ரேவதி- இந்த வாரம் தொழில் துறையினர் தங்கள் வளர்ச்சிக்கு அதிக மூலதனங்களைப் போட வேண்டியது வரும். அவர்கள் தீய நடவடிக்கைகளில் ஈடுபடா வண்ணம் எச்சரிக்கையுடன் அவர்களை கண்காணிப்பது நல்லது. பெண் பிள்ளைகளையும் அவர்கள் போக்குக்கு விட்டால் சிக்கல்கள் வரலாம். வியாபாரத்தில் அகலக் கால் வைக்காமல் அடக்கி வாசித்தால் இழப்பைத் தவிர்க்கலாம். நோய் வரும்போது சுய வைத்தியம் செய்யாமல், உரிய மருத்துவரிடம் காட்டி மருத்துவம் செய்தால் வீண் விரயங்களில் இருந்து தப்பிக்கலாம்.. எதிரிகளிடம் இருந்து விலகியே இருப்பது நல்லது. உங்களது நற்குணங்கள் அனைவரின் பாராட்டையும் பெறும். மாணவர்களுக்குக் கல்வியில் தடை, தாமதங்களுக்குப் பிறகு, தேர்ச்சி உண்டாகும். வீண் செலவுகளைக் குறைத்துப் பணத்தைச் சேமித்து வைப்பது நல்லது.
வார ராசி பலன்கள் 26.01.2025 முதல் 01.02.2025 வரை